IPL වලින් ඉවත් කරපු එක ගැන දුකක් නැහැ මාලිංග මුල් වරට කරුනු හෙළිකරයි

නිමා වූ IPL වෙන්දේසියේදී ලසිත් මාලිංග මිලදී නොගැනීම ලෝක ක්‍රිකට් පිටියේ ප්‍රධාන මාතෘකාවක් බවට මේ වන විට පත් වි තිබෙනවා. වැඩිම කඩුලු ලාභියා ලෙස මෙන්ම තර්ජනාත්මක පන්දු යවන්නා ලෙස ප්‍රකටව සිටි ලසිත් මාලිංග මෙවර IPL තරග බිමේ වෙන්දේසියේදී අලෙවි නොවීම පිළිබද බොහෝ දෙනා විමතිය පළ කළා.

මේ සමග මාලිංග ජාත්‍යන්තර ක්‍රිකට් පිටියට සමුදීමට ඉඩ ඇති බවට මාධ්‍ය වාර්තා කර තිබුණු අතර. මේ කරුණු ගැන මාලිංගගෙන් කෙලින්ම ප්‍රශ්න කල අතර මේ තිබන්නේ ඔහු එයට දුන්නු පිළිතුරයි.

IPL වලදී මෙච්චර සේවයක් කරලත් ඔබව මිලදී ගත්තෙ නෑ. ඒ ගැන දුකක් නැද්ද..?]

Loading...

IPL නැති වුණ එක ගැන මට කිසිදු දුකක් නෑ. මම තමයි IPL වල වැඩිම කඩුලු ලාභියා. ගිය අවුරුද්දෙ රට වෙනුවෙන් වැඩිම විකට් අරගෙන ශ්‍රි ලංකා 20-20 කණ්ඩායමෙන් එකෙන් හැලුණු එක තමයි දුක. IPL තුල මන් වසර 10 ක්‍රීඩා කරා. IPL එකට ලෝකෙ ඉන්න හොඳම ක්‍රීඩකයන් එකතු කර ගන්නවා. එක කණ්ඩායමකට සෙල්ලන් කරන්න පුළුවන් හතර දෙනයි. සමහර විට මගේ වයසත් එක්ක ඒගොල්ලො කල්පනා කරලා තීරණයක් ගන්න ඇති අලුතින් හොඳ ටීම් එකක හදනකොට ඒ හතර දෙනා අතරට මට ඇතුළත් වෙන්න බෑ කියලා. IPL කියන්නෙ ප්‍රැන්චයිස් ක්‍රිකට් එකක් විතරයි.

මුම්බායි ඉන්දියන්ස් කණ්ඩායමේ අයිතිකරුත් ඔබගේ ළඟම හිතවතෙක් කියලා තමයි බොහෝ දෙනෙකු හඳුනාගෙන තියෙන්නෙ. මෙවර IPL වෙන්දේසියේදී ඔබට ක්‍රීඩා කරන්න බැරි බව කලින් ඉදන්නම දැනගෙන හිටියද..?

කවුරු කොහොම කිවුවත් මුම්බායි ඉන්දියන්ස් කණ්ඩායමේ අයිතිකරු මගේ හිතවතෙක් කියන එකනම් මම පිළි ගන්නෙ නෑ. මොකද මම එතන කළේ රස්සාවක්. මුම්බායි ඉන්දියන්ස් විතරක් නෙමෙයි ශ්‍රි ලංකා කණ්ඩායමෙන් වුණත් යම් කිසි කාලයකදී ඉවත් වෙන්න වෙනවා එක මට විතරක් නෙමයි හැම ක්‍රීඩකයෙක්ටම සිදු වන දෙයක් . ඒක සමහර වෙලාවට දක්ෂතා නැතුව ඉවත් වෙන්න වෙනවා.දක්ෂතා තියෙද්දිත් ඉවත් වෙන්න වෙනවා. ඒකට මම ක්‍රිඩකයෙක් විදිහට මම සූදානම් වෙලා හිටියෙ.

IPL කණ්ඩායමක උපදේශකවරයෙක් විදිහට ඔබට ආරාධනාවක් ලැබුණොත් ඒක භාර ගන්නවද..?

සෙල්ලම් කරපු කාලයත්. මම ක්‍රීඩා කරපු තරගාවලි දිහා බැලුවාම මගේ අත්දැකීම් දිහා බැලුවාම මට ඒ වගේ දෙයක් කරන්න බයක් වෙන්න ඕනේ නෑ. ඒක නිසා මට ඒ වගේ දේකට බය නැතුව මුහුන දෙන්න පුලුවන්. මට තැන ප්‍රශ්නයක් නැහැ. මම හිතන්නෙ ක්‍රිකට් ක්‍රීඩාව ගැන විතරයි.

ඒ කියන්නෙ මාලිංග ක්‍රිකට් පිටියට සමුදෙයිද..?

දැන්ම ක්‍රිකට් වලින් සමු ගන්නෙ නෑ. මගේ සූදානම් රට වෙනුවෙන් 2019 ලෝක කුසලානය ක්‍රීඩා කරන්න. පුහුණුවීම් කටයුතු කරගෙන යනවා. 2019 දි බලන්න ඕනේ ඒක මොකද වෙන්නෙ කියලා.

දිගින් දිගටම ජාතික කණ්ඩායමෙන් සහ IPL වලිනුත් ඔබව ප්‍රතික්ෂේප වීම හරහා ඔබ ක්‍රීඩාවෙන් සමු නොගැනීම ඔබ හදාගත් පෞරුෂයට හානිවීමක් නොවේද..?

හදාගත්ත පෞරුෂය එහෙමම තියෙනවා. දිගින් දිගටම මාව ප්‍රතික්ෂේප කරන අයගෙ අතේ තමයි තියෙන්නෙ ඇයි එහෙම කරන්නෙ කියන එක. මම මාසෙකට කලින් ලංකාවේ හොඳම 20-20 පන්දු යවන්නා. ක්‍රිකට් ආයතනයෙන් මට සම්මානයක් පවා හම්බුනා. ලංකාවෙ පහුගිය වසරේ හොඳම 20-20 පන්දු යවන්නා එළියෙ තියනවා කියන්නෙ ඒක සාධාරණ නම් මම එතනින් එහාට මුකුත් කියන්නෙ නෑ. මොකද ක්‍රීඩකයෙක් විදිහට මට කරන්න පුළුවන් විකට් අරන් පෙන්නන එක විතරයි. ලංකාවේ වැඩිම විකට් අරන් පෙන්නුවට පස්සෙ එතනින් එහාට මට තව යන්න තැනක් නැහැ.

 

You may also like...

Leave a Reply

Your email address will not be published. Required fields are marked *

error: Content is protected !!