කෑමට පමණක් ගත් බිත්තර සුදු මදයෙන් ලස්සන වෙන හැටි මෙන්න

බිත්තර යනු ප්‍රෝටීන් බහුල ආහාරයක්. බිත්තර ආහාරය එකතු කර ගන්නවා වගේම රූපලාවන්‍ය කටයුතුවලටත් බිත්තර යොදාගන්නවා. මේ ලිපියෙන් ඔබට කියවෙන්නේ බිත්තර සුදු මදය යොදාගෙන සුන්දරත්වය වැඩි කරන්න පුළුවන් ක්‍රම කිහිපයක් පිළිබඳවයි.

තෙල් සහිත සමට.
තෙල් සහිත සමක තෙල් පාලනය කරගැනීම බිත්තර සුදු මද ඉතා යෝග්‍යයි. බිත්තර සුදු මදයට ලෙමන් යුෂ තේ හැඳි 3ක් එකතු කර මුහුණේ ආලේප කරන්න. විනාඩි 15 කින් සෝදා ඉවත් කර ගන්න.

හිස කෙස් වර්ධනයට.

Loading...

දුර්වල, අදුරු පැහැ ගැන්වුණු, හිස කෙස් වලට බාහිරින් ලබා දෙන්න පුළුවන් හොඳ සත්කාරයක් බිත්තර සුදු මදය ආලේප කිරීම. හිස් කබලේ අලේප කර විනාඩි 30 කින් ෂැම්පු වර්ගයක් යොදා සෝදා හරින්න. හිස කෙස් වර්ධනය කරන්නත්, කෙස් කළඹේ නිරෝගී භාවයටත් බිත්තර සුදු මදය ඉතා කදිමයි.

හිස කෙස් වලට කන්ඩිෂනර් එකක්.

හිස කෙස් සිනිඳු කරවන ස්වාභාවික කන්ඩිෂනර් එකක් විදිහට බිත්තර සුදු මදය පාවිච්චි කරන්න පුළුවන්. බිත්තර සුදු මදයට ඔලිව් තෙල් තේ හැඳි 2ක්, යෝගට් කප් එකකින් 1/4 න් මිශ්‍ර කරලා හිස කෙස් වල ආලේප කරලා විනාඩි 45කින් පමණ සෝදා ඉවත් කරන්න.

සමට හොඳ scrub එකක්.

සමේ කුණු දූවිලි, මැරුණු සම ඉවත් කරන්න scrub එකක් විදිහට බිත්තර සුදු මදය භාවිතා කරන්න පුළුවන්. බිත්තර සුදු මදය ගෙන හොඳින් බීට් කර මුහුණේ බෙල්ලේ ආලේප කර හොඳින් වියලෙන්නට දෙන්න. විනාඩි 20ක් 30ක් විතර ප්‍රමාණවත්. මද උණුසුම් වතුරින් සෝදා ඉවත් කරන්න. සතියට දවසක් හෝ දෙකක් මේ සත්කාරය try කරලා බලන්න.

ඇස් යට කළු වීමට.

නිදි වැරීම, මානසික ආතතිය වැනි හේතු නිසා ඇස් යට කළු වීම, ඇස් වටා ඉදිමුම ඇති වෙනවා. ඒ තත්ත්වය අවම කරන්න බිත්තර සුදු මදය ඇස් වටා ආලේප කර විනාඩි 15කින් පමණ සෝදා ඉවත් කරන්න.

හිරු එළිය නිසා ඇති වුණු අවපැහැ වීම් අවම කරයි.

හිරු රශ්මියේ ඇති අහිතකර UV කිරණ නිසා සම මත ඇති වන ලප, අවපැහැ වීම් අවම කර ගන්න බිත්තර සුදු මදයට මී පැණි මේස හැඳි 2ක් මිශ්‍ර කරලා අවපහ ගැන්වුණු ප්‍රදේශ වල ආලේප කරන්න. ක්‍රමානුකුලව සතියට තුන් වරක් වත් කිරිමෙන් සාර්ථක ප්‍රතිඵල ලබා ගන්න පුළුවන්.

You may also like...

Leave a Reply

Your email address will not be published. Required fields are marked *

error: Content is protected !!