ඉවත දමන සහල් වතුර වලින් ඔබගේ සුන්දරත්වය වැඩි කරගන්නේ මෙහෙමයි

හැම ගෙදරකම වගේම උදෑසන හා රාත්‍රියේ ආහාර පිසිමේදී සහල් සෝදලා ඒ වතුර විසිකරලා දානවනේ. නමුත් ඔබ සිතන්නේ නැතුව ඇති විසිකරලා දාන සහල් වතුරෙන් ඔබගේ රූපයේ සුන්දරත්වය වැඩි කරගන්න පුළුවන් වේවී කියලා.

සහල් වතුර වල අඩංගු පෝෂණ ගුණයන් සමේ පැහැය වැඩි කරන්නත්, මුහුණේ ඇති ලප කැළැල් අවම කරන්නත් හිස කෙස් වර්ධනය කරන්නත් උදවු වෙනවා.
සහල් වතුර සමට සහ හිස කෙස් සඳහා අනිවාර්යයෙන් අවශ්‍ය වන පෝෂ්‍ය පදාර්ථ රැසක් අඩංගු වෙනවා. විටමින් B, C හා E මෙන්ම ඛනිජ වර්ග හා අත්‍යාවශ්‍ය ඇමයිනෝ අම්ල මෙහි අඩංගු වෙනවා. ඔයාට කරන්න තියෙන්න හරිම පහසු වැඩක්.

සහල් සේදූ වතුර වලින් උදේ හා සවස මුහුණ සෝදන්න. හැබැයි මුහුණ පිසදමන්න එපා. එහෙමම වියලෙන්න දෙන්න. විනාඩි 30කින් පිරිසිදු වතුරෙන් මුහුණ සෝදන්න.

Loading...

සහල් සේදු වතුර පිරිසිදු භාජනයකට දමා මද ගින්නේ විනාඩි 15ක් පමණ රත් කර . ඉන් පසු එය දින එක හමාරක් හෝ දෙකක් හොඳින් වසා තබන්න. පස්සේ ඒ වතුරින් ඇඟිලි තුඩු තෙමා හිස් කබල හොඳින් සම්බාහනය කරන්න. විනාඩි 20කින් සෝදා ඉවත් කරන්න.

මේ තමයි ඔයාට පහසුවෙන්ම කර ගන්න පුළුවන් සත්කාර. ඊට අමතරව ඔයාට සහල් වතුර වලින් කරන්න පුළුවන් මේ දේවලුත් ඔයාගේ රුව වැඩි කර ගන්න පවා ප්‍රයෝජනයට ගන්න පුළුවන්.

සහල් කෝප්පයක් පිරිසිදු වතුරින් සෝදා ගන්න.
එයට වතුර කෝප්ප තුනක් දමා බඳුන වහන්නේ නැතුව විනාඩි 15ක් පමණ පිස ගන්න.
ඊට පස්සේ සහල් තැම්බුණු වතුර ටික පෙරලා වෙන් කර ගන්න පසුව සහල් වතුර සිසිල් වෙන්න දීලා ඉන්පසු එය සතියක් දක්වා ශීතකරණයක් තුළ ගබඩා කර තබන්න.

ඊට පස්සේ මේ මිශ්‍රණය කලින් කිව්ව විදියටම ඔයාට අවශ්‍ය විදියට මුහුණේ ආලේප කරන්න හෝ හිසේ ගල්වා සම්බාහනය කරන්න ගන්න පුළුවන්. භාවිතයට ගනිද්දී ඊට කලින් මිශ්‍රණය හොඳින් සොලවා පාවිච්චියට ගන්න.

ඒ වගේම කලින් ක්‍රමයේදී කිව්ව විදිහට සහල් තම්බන්නේ නැතිව සහල් සෝදා ගත් වතුර සතියක කාලයක් ශීතකරණයේ තබා කලින් විදිහටම ප්‍රයෝජනයට ගන්නත් පුළුවන්.

You may also like...

Leave a Reply

Your email address will not be published. Required fields are marked *

error: Content is protected !!